2020-2021 ուսումնական տարվա համար FLEX ծրագրի քննություններն արդեն ավարտվել են։ 2021-2020 ուսումնական տարվա համար ծրագրի քննությունները սկսելու են 2020թ․ սեպտեմբերին։ Քննություններին կարող են դիմել ՀՀ բոլոր քաղաքացիները, ովքեր՝
- ծնվել են 2003թ. փետրվարի 15-ից մինչև 2006թ.-ի հուլիսի 15-ն ընկած ժամանակահատվածում,
- սովորում են 9-12*-րդ դասարաններում կամ քոլեջների այն կուրսերում, որոնք համապատասխանում են դպրոցների 9-12 դասարաններին` 2020թ․ սեպտեմբեր ամսվա դրությամբ,
- հաշմանդամություն ունեցող երեխաները, ովքեր սովորում են 8-12-րդ դասարաններում,
- ունեն լավ կամ գերազանց առաջադիմություն և տիրապետում են անգլերենին,
- համապատասխանում են ԱՄՆ մուտքի արտոնագիր ստանալու պահանջներին,
- վերջին 5 տարվա ընթացքում չեն եղել ԱՄՆ-ում 90 օրվանից ավել:
*12-րդ դասարանում և քոլեջների ավարտական կուրսում սովորող աշակերտները, ովքեր ենթակա են պարտադիր զինվորական ծառայության, ծրագրին դիմել չեն կարող՝ անկախ տարիքից:
- Յուրաքանչյուր դիմորդ, ով համապատասխանում է վերոնշյալ պահանջներին, կարող է մասնակցել մրցույթին: Ծրագրին կարող է դիմել անսահմանափակ թվով աշակերտ: Քննություններին մասնակցելու համար նախապես գրանցվելու անհրաժեշտություն չկա։
Ամերիկյան խորհուրդների ներկայացուցիչները այցելում են Հայաստանի մարզերը՝ քննություններն իրականացնելու նպատակով: Դիմորդները պետք է ներկայանան նախապես նշված քննական կենտրոն ՝ նշված օրն ու ժամին և իրենց հետ բերեն՝
- ծննդյան վկայական կամ անձնագիր՝ բնօրինակ
- 3×4 չափսի մեկ լուսանկար
- Գրիչ
Ինչպե՞ս են իրականացվում քննություններն ու ընտրական գործընթացը։
Մրցույթի հաղթողներն ընտրվում են տարեկան մոտ 40,000 դիմորդներից՝ բազմաշերտ մրցույթի արդյունքների և արժանիքների վրա հիմնվելով: Աշակերտները նաև պետք է ցույց տան, որ պատրաստ են մեկ տարի հեռու ապրել ընտանիքից՝ լիովին այլ երկրում և միջավայրում։ Անգլերեն լեզուն կարևոր է, սակայն չափորոշիչ չէ վերջնական ընտրությունների համար։ Աշակերտները նաև պետք է տրամադրեն իրենց առողջության մասին լիարժեք տեղեկատվություն։
Հաղթողներին Ամերիկյան խորհուրդների Վաշինգտոնյան գրասենյակում՝ անկախ հանձնաժողովներ անդամների կողմից։ Գարնանը բոլոր հաղթողներին զանգահարում են և տեղեկացնում են իրենց կարգավիճակի մասին։ Այն աշակերտները, ովքեր չեն հաղթել, ստանում են էլ․ նամաներ։ Բոլոր հաղթողները հունիս-հուլիս ամիսներին մասնակցում են պարտադիր մինչ-մեկնման դասընթացներին՝ հունիս-հուլիս ամիսներին, իսկ ԱՄՆ մեկնում են հուլիս-օգոստոս ամիսներին։ Հայաստան են վերադառնում հաջորդ տարվա մայիս-հունիս ամիսներին։ Աշակերտները Հայաստան են վերադառնում Ամերիկյան խորհուրդների կողմից նշանակված օրը։ ԱՄՆ մուտքի արտոնագիրը աշակերտների համար ոչ մի կերպ, ոչ մի պայմանով չի կարող երկարացվել։
Մրցույթի անցկացման փուլերը
Մրցույթը բաղկացած է երեք փուլից:
Փուլ 1 – Թեստ
Բոլոր դիմորդները, ովքեր համապատասխանում են տարիքային ու դասարանային պահանջներին, հանձնում են 15 րոպե տևողությամբ 16 հարցից բաղկացած բազմակի պատասխաններով անգլերեն գրավոր թեստ: 1-ին փուլի պատասխանները փակցվում են ցուցակով կամ հրապարակվում համացանցում քննության կամ հաջորդ օրը և 1-ին փուլի հաղթողներն անցնում են 2-րդ փուլ:
Փուլ 2 – Շարադրություն
Նրանք, ովքեր կընտրվեն մասնակցելու 2-րդ փուլին, գրում են 3 շարադրություն անգլերեն լեզվով՝ ըստ տրված թեմաների: Այն մասնակիցները, ովքեր անցնում են 3-րդ փուլ, տեղեկացվում են դրա մասին կամ հեռախոսազանգով, կամ անցնողների ցուցակը տեղադրվում է մեր վեբ-կայքում։
Փուլ 3 – Հայցադիմում , հարցազրույց, անգլերեն լեզվի քննություն, շարադրություն
Նրանք, ովքեր կընտրվեն մասնակցելու 3-րդ փուլին, կգրեն ստանդարտացված բազմակի պատասխաններով անգլերեն գրավոր թեստ, ևս երկու շարադրություն՝ պատասխանելով տրված հարցերի, կմասնակցեն խմբային խաղի և անհատական հարցազրույցի: Մրցույթի մասնակիցները նաև պետք է լրացնեն և Ամերիկյան խորհուրդների երևանյանյան գրասենյակ ներկայացնելեն հայցադիմումներ, որի համար տրվում է երկու շաբաթ ժամանակ: Ամերիկյան խորհրդների ներկայացուցիչները 3-րդ փուլից 5-6 ամիս անց զանգահարում են բոլոր հաղթողներին՝ իրենց կարգավիճակի մասին տեղեկացնելու մասին:
Այս մասնակիցները, ովքեր չեն հաղթել ծրագրում, կստանան էլ. նամակ:
Այն աշակերտները, ովքեր դիմելու պահին սովորում են 9-րդ կամ 10-րդ դասարաններում, ԱՄՆ-ից վերադառնալուց հետո, ներկայացված փաստաթղթերի հիման վրա, կշարունակեն իրենց ուսումը՝ համապատասխանաբար 11-րդ կամ 12-րդ դասարաններում։ Այն աշակերտները, ովքեր ծրագրին դիմելու պահին սովորում են 11-րդ դասարանում, վերադառնալուց հետո կշարունակեն իրենց ուսումը 12-րդ դասարանում։
Click HERE to register to learn more about FLEX!
Ընտրության գործընթացը
ԱՄՆ-ում Ամերիկյան խորհուրդների գրասենյակը միջազգային հարաբերությունների և կրթության մասնագետներից ընտրում և վերապատրաստում է մոտ 150 կամավոր գնահատողներ, ովքեր ընտրում են ծրագրի հաղթողներին ու պահեստայիններին: Ընտրությունը կատարվում է հայցադիմումներում, ուսուցչի երաշխավորագրում բացահայտվող արժանիքների և փոխանակման ծրագրի համար ունեցած պատրաստվածության հիման վրա: Ընտրության գործընթացն ավարտվում է գարնանը և բոլոր դիմորդները տեղեկացվում են արդյունքների մասին ապրիլի կեսերին:
Ի՞նչ է տեղի ունենում, երբ աշակերտները դառնում են հաղթող/պահեստային։
Երբ հայտնի են դառնում արդյունքները, ծրագրի ղեկավարը բոլոր հաղթողներին և պահեստային մասնակիցներին հեռախոսազանգով տեղեկացնում են իրենց հաղթող/պահեստային մասնակից դառնալու մասին։ Հաղթողները այն աշակերտներն են, ովքեր բոլոր պահանջվող փաստաթղթերը ժամանակին ներկայացնելու պայմանով կդառնան FLEX ծրագրի աշակերտ և կմենկեն ԱՄՆ մեկ տարով։ Պահեստային մասնակիցները կդառնան FLEX ծրագրի աշակերտ և կմեկնեն ԱՄՆ միայն այն դեպքում, երբ հաղթողներից մեկը հրաժարվի ծրագրում իր մասնակցությունից, կամ հեռացվի ծրագրից՝ փաստաթղթերը ժամանակին չներկայացնելու կամ ծրագրային այն օրենք խախտելու համար։
Հաղթողներին և պահեստային մասնակիցներին կտրամադրվի լիարժեք տեղեկատվություն ծրագրի կանոնների և պայմանների վերաբերյալ։ Բոլոր մասնակիցները պետք է էլ․ նամակ գրեն ծրագրի հաղթողներին, տեղեկացնելով, որ համաձայն են մասնակցել ծրագրին։ Աշակերտները պետք է անմիջապես զբաղվեն անձնագիր ձեռք բերելու հետ կապված հարցերով։ Անձնագիրը նշված ժամանակահատվածում չներկայացնելու դեպքում աշակերտը կհեռացվի ծրագրից։ Այնուհետև ծրագրի ղեկավարը մի քանի ամսվա ընթացքում սերտորեն աշխատում է բոլոր հաղթող/պահեստային մասնակիցների հետ, աջակցելով ԱՄՆ մուտքի արտոնագիր ստանալու գործընթացում, ինչպես նաև աշակերտին տրամադրելով տեղեկատվություն իր հյուրընկալ ընտանիքի և ԱՄՆ ավագ դպրոցի մասին։
Մայիսից-օգոստոս ընկած ժամանակահատվածում ԱՄՆ տեղավորող կազմակերպությունը բոլոր հաղթողների համար կգտնեն հյուրընկալ ընտանիքներ, որոնք անցնում են մանրամասն ստուգումներ։ Հունիս-հուլիս ամիներին բոլոր հաղթողները պետք է մասնակցեն մինչ-մեկնման քառօրյա դասընթացներին՝ նախքան ԱՄՆ մեկնելը։ Աշակերտները մեկնում են ԱՄՆ՝ հուլիսից-սեպտեմբեր ամիսներին։ Ծրագրի ավարտից հետո բոլոր մասնակիցները պարտավոր են վերադառնալ Հայաստան ծրագրի կողմից նշանակված օրը։ ԱՄՆ վիզան ծրագրի ավարտից հետո այլևս վավեր չի լինելու։
Ի՞նչ կարող է տալ ինձ ծրագիրը։
FLEX ծրագիրը աշակերտներին տալիս է հնարավորություն՝ ավելի մոտիկից ծանոթանալու ԱՄՆ բնակիչների և մշակույթի հետ։ Ծրագրի մասնակիցները հանդիսանում են Հայաստանի երիտասարդ դեսպաններ, ովքեր սովորեցնում են ամերիկացիներին իրենց երկրի, մարդկանց և մշակույթի մասին։ Ծրագրի ընթացքում աշակերտները հարգանքով են սկսում վերաբերվել այն երկրների մշակույթներին, կրոններին և մարդկանց, նրանք հասունանում են, ձեռք են բերում ինքնուրույնություն։ Աշակերնտերի և նրանց հյուրնըկալ ընտանիքների, ընկերների և համայնքների միջև ստեղծվում են շատ ամուր կապեր, որոնք պահպանվում են ամբողջ կյանքի ընթացքում։ Ծրագրի շրջանավարտները սովորում են հեղինակավոր ԲՈՒՀ-երում և հետո գտնում են աշխատանք՝ օգտագործելով այն փորձն ու գիտելիքները, որոնք ձեռք են բերել ԱՄՆ-ում գտնվելու ժամանակ։
Ի՞նչի մասին պետք է իմանամ, նախքան ծրագրին դիմելը։
Այն աշակերտները, ովքեր պատրաստվում են դիմել ծրագրին, պետք է նախապես տեղյակ լինեն, թե ինչպես կարող է ծրագրին մասնակցությունը ազդել իրենց վրա։ Եթե նշված կետերից որևէ մեկի հետ համաձայն չեք, ուրեմն ծրագիրը Ձեր համար նախատեսված չէ։
- Եթե ես սովորում եմ 11-րդ դասարանում դիմելու պահին, ԱՄՆ-ից վերադառնալուց հետո ես պետք է հաճախեմ 12-րդ դասարան, այսինքն, կրկնեմ ուսումնական տարին։
- Ծրագրի մասնակիցները Հայաստան են վերադառնում մայիս/հունիս ամիսներին, և հնարավոր է, որ ես չկարողանամ մասնակցել դպրոցի ավարտական քննություններին։
- Եթե ես ծրագրի հաղթող եմ և արդեն ընդունվել եմ համալսարան, հնարավոր է, որ իմ տեղը համալսարանում չպահպանվի, եթե ես մեկնեմ ԱՄՆ։
- ԱՄՆ-ից վերադառնալուց անմիջապես հետո, հնարավոր է, որ ես ստիպված կլինեմ գնալ բանակ։
- ԱՄՆ-ից վերադառնալուց հետո հնարավոր է, որ ես չստանամ ոսկե մեդալ իմ դպրոցում։
Եվ վերջապես, ԱՄՆ-ում դպրոցական ծրագրիը խիստ տարբերվում է հայկական դպրոցների ծրագրից, և աշակերտները նույն առարկաները չեն անցնելու։